香港喺短短一個月內，由購物天堂變做肺炎地獄，真係何其慘情，瑞士重乘機唔畀港商參展，實在冇情講，香港貿發局（TDC）總裁施祖祥當時身在美國，同班同事美、港、瑞三地保持聯絡亦都冇晒辦法。
施公上周末返港坐鎮，佢話𠵱家香港嘅形勢的確好嚴峻，TDC本來諗住今年可以收支平衡，但睇嚟一定唔得，要用老本，至於四月底嘅家品及禮品展覽，就無論如何一定要舉行，何解？
第一，如果連TDC呢個半官方機構都取消展覽，瑞士就更有口實唔畀港商參展，其次，美國人唔嚟，但其他地方好似印度同中東都係大買家，加上最後截止有成四百幾間廠商參加，都唔錯噃。
至於防炎，就肯定係首要工作，大會到時會安排醫生喺現場為大家檢查探熱，加上展館樓底好高，抽風力強，TDC又咁專業，大家大可放心。
傳真︰2623-9278
電郵︰