八方前兩日講過，喺李國章宣布停課之下，重有一間李寶椿聯合世界書院冇停到課，點知有位公務員話，佢哋嘅公務員培訓處都冇停課，好唔合理。據佢講，唔少訓練主任都要求過停課，但係上頭唔准，話除非出席人數太低先至會考慮。咁既然呢位忠實讀者咁驚，八方亦去打聽吓情況，唔通王永平咁不近人情，置公僕性命於不顧？
原來當局認為最重要係預防工作，政府各部門已經加強消毒，所以同事們可以放心上課，況且唔上堂都要上班㗎。其實喺呢段人心惶惶嘅日子裏，邊個可以話保證你冇事？一切都要由自己做起，假如真係唔想上堂，局方亦好難勉強，當日特首又夠話唔好停課住啦，點知隔一日咪宣布停晒。
傳真︰2623-9278
電郵︰