唔知大家有冇留意，日本有啲上位女星平時好低調唔會自製新聞，但佢哋有演技兼有身材樣貌，好似竹內結子同國仲涼子咁，而要數今年最有機會大紅嘅，應該係二十七歲嘅黑谷友香。唔係淨係我羅拉講㗎，執導黑谷新片《魔界轉生》嘅導演平山秀幸，都話呢位靚女騎馬耍劍絕無就位用替身，夠晒專業。