翁為德在模特兒界廣結人緣，楊崢和馬詩慧便是其中的好友。馬詩慧昨在電話中表示不知Wanda誕下一雙孿生兒子，但當記者告之Wanda的體重曾重達二百磅時，她說：「嘩，咁犀利，不過佢打孖生又唔奇嘅。」問身為三個孩子母親的馬詩慧，有沒有產後心得授予老友？她說：「如果係開刀生嘅，頭一個月就唔好補住，收身唔可以心急，應該多做運動同埋飲多啲牛肉水補血囉。」
楊崢昨日在電話中則說：「我早過大家少少知呢個消息啦，我真係好戥Wanda開心，佢係一個成功嘅模特兒，老公又錫佢。佢之前已經話過想生羊BB，𠵱家如願以償，真係一個幸福嘅女人，我𠵱家就諗緊送乜嘢禮物畀BB好，遲啲我會去美國做嘢，希望可以順便探吓佢。」