唐寧近月與歐錦棠傳出緋聞，昨日歐錦棠在商台出現時，指或會因緋聞而與唐寧有所避忌。而唐寧昨日在電話中回應說：「咁都冇嘢㗎，我哋都係朋友，近排我哋都少咗出嚟，因為大家都忙。」
未知唐寧會否因緋聞而感困擾？她說：「講咗幾個月啦，我唔諗㗎喎，自己攞嚟諗咪即係自尋煩惱。」她又笑說自己不恨拍拖，對感情事只會順其自然。
此外，歐錦棠昨日重提在新年期間曾到英國探望太太萬斯敏，未知她有否向歐錦棠問及緋聞？他說：「好多八婆打畀我老婆講咗啦，佢冇乜反應，佢知我一向都有女性朋友。但以前我就口硬話唔避忌，𠵱家就費事，我終於明白啲藝人點解會去私竇玩。」採訪：朱芷瑩、王連連攝影：陳志嵐
服裝及場地提供：Roxy