中文大學醫學院喺對抗非典型肺炎之戰一直站在最前線，最近重為中、小學師生、員工同家長準備咗套VCD，加強社區對呢個病嘅認識。
本來大學方面安排咗醫學院副院長沈祖堯出席今日嘅簡介會，但係噚日又改由院長鍾尚志出馬。八方聽聞，有關方面早前將一套名為《健康校園齊抗炎》嘅片攞去學校試播，先至發現無論係沈祖堯抑或鍾尚志，都因為此役而家喻戶曉，「肺炎之戰尚未成功，同志仍須努力」，相信係中大人最想講出嘅訊息。
鍾尚志佢哋本來從不高調出鏡接受訪問，但係大敵當前亦冇法，男兒有淚不輕彈，但都忍唔住。今日嘅簡介會重有位可愛嘅抗炎小子（見圖）出台，希望可以受學子歡迎。
傳真︰2623-9278
電郵︰