溫碧霞與一班藝人和名模，昨日在尖沙嘴為某品牌鞋履行天橋，當中以穿了比堅尼的溫碧霞最搶鏡。而梁琤和名模LisaS.卻因天橋上有花瓣和水而影響演出，眾目睽睽下一度跣腳，幸好執生成功，未至出醜。
溫碧霞、梁琤、名模Rosemary、LisaS.和蔣怡等人，出席在尖沙嘴舉行的「春夏魅力四射Joy&Peace2003Show」，現場還有鄭佩佩、原子鏸和湯盈盈到場欣賞。打頭陣出場的溫碧霞，以紅色比堅尼、外披一件薄如蟬翼的衣裳出場，相比其他行騷的藝人，她是最性感的一位，加上現場設有風吹花瓣效果，令她的表現更飄逸。
由於大會在天橋上布滿了鮮花瓣，梁琤、LisaS.和黃泆潼多次不留神踏到花瓣而跣腳，幸好她們即「執生」企定，兼且以笑解窘。經歷三次「驚險場面」的梁琤事後在鞋店內說：「因為個台有花瓣同水，所以差啲跣倒，好彩我有武功底，當時咪即刻紮馬先冇事，如果跌親就好瘀。而我唔敢着三點式出場，有溫碧霞喺度就有比較，咪顯得我醜。我希望可以將我嘅甲組球隊腳變到丁組球隊腳啦！」
至於溫碧霞則幸免出事，她說：「開頭行都有啲驚，但係行行吓就唔記得，唔好諗住嗰樣嘢就得。」
另外，與男友Gordan分手不久的Rosemary，其母親Julia表示女兒近來主動要求接多些工作。問她Rosemary最近是否又有很多狂蜂浪蝶追求，她說：「係有好多朋友搵佢，但係我只handle佢嘅工作，私人事理唔到。」至於會否怕Rosemary被呃，她說：「佢又唔係細路女，而且又唔係第一次（拍拖）。」
採訪：王連連 攝影：甄朝健
