何超瓊前晚往中環出席慧妍雅集舞會，提起已故好友張國榮（Leslie）時，感慨地說：「四月真係令人好憂傷同失落，大家更加要積極面對同振作，我初初聽到Leslie嘅死訊，覺得好突然同好唔明白，重令我憶起好多往事。
「以前我同Danny（陳百強）、Leslie一齊吃喝玩樂，係一段好純真嘅日子，過咗咁多年大家各有成就，Leslie應該好珍惜佢嘅成就至啱，我亦做咗企業嘅主管，已經好難有心情去同人發展咁純真嘅友誼，經過呢件事，真係覺得自己老咗。」
何超瓊續說：「其實Leslie有好多真心嘅朋友，可能佢去到某啲執着位，諗埋一邊，唔想畀朋友負擔，人愈大責任感就愈重，好多事都只會收埋喺心裏面。」
採訪：林妙萍攝影：甄朝健