響講解萬事得M6車系，所採用嘅專利E-Type多連桿後懸掛前，先要提提大家日後不要再叫Mazda2及Mazda6喇！因有關方面已決定以M2及M6，既簡單又易記嘅新名字代替，咁日後大家要記起同讀起上嚟都會容易得多啦！
話說回頭，萬事得車廠響設計汽車時，創意可謂源源不絕，故此響每部新車推出時，都會為車主帶來科技上嘅驚喜，而全新M6車系亦蘊含着呢份無限創意。為增強駕駛樂趣，廠方特別為旗下M6車系，配用咗車廠嶄新設計嘅E-Type多連桿後懸掛系統（即E-TypeMulti-link），而呢項突破性嶄新設計，更係萬事得嘅獨有專利設計㖭！
呢款E-Type多連桿後懸掛系統，能有助提升前置引擎前輪驅動車輛嘅表現，皆因佢能增強後輪貼路性能，尤其係彎路上嘅抓着性及穩定力，同時亦可全面吸收行走凹凸不平路面時所產生嘅擾人震動，令乘坐舒適度倍增。此外，傳統懸掛為應付車尾嘅載重量，而採用支柱式設計，但會因而減少尾廂載物容量；而E-Type多連桿後懸掛設計，就能避免傳統懸掛設計嘅不足之處，並騰出更多尾廂空間，以切合用家需要㗎！
而全新M62.3SportsWagon更附設有電子自動氣壓高度調節系統，一般車輛喺運載140kg以上嘅貨物時，由於車尾負擔增加而令車尾降低，大大減低行車表現及操控樂趣，而呢套電子高度調節系統中嘅大型吸震筒，具有氣壓泵功能，能令車子於不同路面行駛或運載貨物時，可自動作出有效調節，以增強操控表現，就連駕駛樂趣亦會因而提升呢！而呢個吸震筒更係由日本著名賽車零件製造商KYB製造，故此新車嘅操控表現，定能滿足追求跑車化操控感嘅車迷㗎！