紅磡博藝會被稱為全港最大城巿私人會所，內裏設施數之不盡，交通便利，難怪成為一眾明星工作之餘一個消閒好去處。
博藝會高級健身教練何榮健（Kent）表示：「好多明星都鍾意嚟呢度健身，原因係博藝會同其他連鎖健身中心唔同，會員嘅空間較大，玩健身嘅時候唔會有其他人騷擾。重有，佢哋可以由停車場直接搭升降機上會所，過程減少不必要嘅曝光，所以好受明星歡迎。」
曾六奪「全港六十公斤級健美冠軍」的Kent，目前擔任多位明星的私人健身教練，對於被問及哪位演員最有印象，阿Kent表示，最佩服的藝人非阿姐（汪明荃）和安仔（許志安）莫屬。阿Kent說：「記得阿姐最初嚟到，玩樓梯機五至十分鐘已頂唔順叫停，𠵱家佢可以一玩玩成個鐘，咁嘅年紀都咁有毅力，真係難得。」
「至於安仔，佢係一位好有恒心嘅藝人，尤其係當需要收身拍戲同開演唱會時，安仔都會依照我提供嘅意見，無論係健身或節食方面，安仔都會做足一百分。」
室內泳池
簡介：4個室內暖水泳池，包括特別設計的兒童泳池確保孩子安全。
網球場
簡介：6個符合國際標準的戶外網球場，經常有電視台拍攝外境。
桑拿
簡介：擁有1個按摩浴池和桑拿浴室，讓會員徹底紓緩疲倦。
健身中心
簡介：多款流行及嶄新的健體器材；另有專業教練設計健體計劃；以及多個標準舞蹈室。
高爾夫球練習球道
簡介：2條室內的高爾夫球練習球道，讓你全天候提升擊球技巧。
室內運動場
簡介：5個符合國際標準羽毛球場，另設壁球室、室內籃球場及乒乓球室供會員使用。
其他設施
簡介：另提供餐廳、卡拉ＯＫ室、波波池及電視遊戲機室等設備。
