肺炎雖然得人驚，但生活必須繼續。禮拜六，八方響應九倉呼籲去行商場消費。驅車由沙田到銅鑼灣時代廣場，發覺人流多番；由於商場大搞衞生，又抽獎又免費泊車，都幾旺。可見事在人為，不能坐以待斃。
不過，隧道就好大鑊。周六晚八點過紅磡隧道，過閘竟然一架車都唔使等，真係十年未見過。同隧道界老友講番，佢話紅隧未算慘，大老山隧道一個月前已開始發覺車流下降。點解？因為威院出事，一般病人少咗。探病又少咗，跟住啲學生唔使返學，啲大人唔出街……呢一場瘟疫，最穩陣嘅行業一樣唔掂，無一幸免。
傳真︰2623-9278
電郵︰