「劉少懷講大話。」淘大花園居民劉先生的三十五歲太太，前日病發死亡。他不滿醫管局高級行政經理劉少懷向外聲稱，年輕患者死亡，是因他們太遲入院才救不了。
劉先生卻強調，其妻入院時不過輕微發燒。「佢識講嘢，識行識走，淨係話個人軟賴賴咁。跟住我摸一摸佢，佢有啲燒，帶咗佢入聯合醫院，證實非典型，送咗去瑪嘉烈。」劉先生指出，太太當日入院時，只被安排入住普通隔離病房。
對於劉少懷的說法，劉先生怒斥：「不單止我不滿，我屋企甚至乎所有親戚都唔滿意。」劉先生亦對院方的醫治提出質疑，他表示太太在四月九日曾入住深切治療部一天，其後醫生指她的情況不算太嚴重，於是又再轉回普通病房。兩日後，他收到太太的死訊，連最後一面都見不到。
劉少懷指其妻情況嚴重，劉先生說：「係好嚴重，我希望還番我太太個公道，等佢唔好死得不明不白，唔希望後邊啲病人好似我太太咁樣。」
同樣住在淘大花園的四十五歲家庭主婦張太亦在前日下午因非典型肺炎病歿。「入院當時好樂觀，以為會好快出嚟。」張先生憶述太太入院時，只有發燒、骨疼的症狀。
張先生表示在太太轉往深切治療部時，曾有在瑪嘉烈任職護士的朋友提醒他，現時醫院對老弱多病者採取放棄醫治，但他想不到自己太太會醫治多日後死亡。「係無妄之災，係因為政府無能，搞到我家破人亡。」
張先生坦言發夢也想不到平時無甚病痛的太太竟會病發離世。他質疑院方人手不足，對病人疏於照料。「成間醫院都係高危傳染病人，早兩日醫院已經崩潰。」
本報記者