方力申、麥浚龍、鄭中基、梁漢文、Twins及容祖兒等，前晚在無綫將軍澳電視城出任《同舟共勉香港心》的表演嘉賓，大會前晚共籌得七百五十萬給醫院管理局慈善基金。對於父親麥紹棠捐出二十五萬元，麥浚龍說：「做善事有善心啫！你哋唔好咁敏感，初時我都唔知阿爸捐錢。」
方力申前晚經常戴口罩，在非典型肺炎肆虐下，他勸喻市民說：「大家要有分析能力，唔好太恐慌，同埋要唔怕犧牲，多啲留喺屋企。禮拜一就要返學，𠵱家港大都消晒毒，做晒預防措施，所以應該唔會有問題。」
此外，鄭中基前晚亦經常戴着口罩，他說：「𠵱家係非常時期，戴口罩係為己為人嘅表現，千祈唔好覺得戴口罩係怪事，呢輪我都少咗出街，不過我張碟會如期喺下個月推出，冇打算改期。」