千零蚊可以買部入門手機，亦都可以買部初階PDA，不過想用千零蚊就買齊兩樣得唔得？答案竟然係得！羅新基早幾日喺先達發現快譯通部e938PDA手機，只係賣$1,280，雖然係大陸行貨，不過就可以Show繁體中文，千零蚊就可以有齊手機同PDA功能，得閒用嚟上網，Check吓Email，絕對抵玩。
查詢：23987320（鉑匯科技）
將手機SIM卡二合一好耐以前已經有，不過又要買SIMCardReader，又要等佢過資料都幾煩，不過羅新基有個朋友就用另一個方法「二合一」，將兩張SIM卡嘅晶片部份剪出嚟放入呢個SIM卡器，就可以二合一，慳時間之餘又夠晒方便，但係就盛惠$160，已經包埋SIM卡器、剪同貼SIM卡嘅人工，記住，如果自己亂咁剪好容易剪爛張SIM卡㗎。
查詢：23807228（老實人）
三星部V200都已經賣咗一段日子，不過上個禮拜就連孖生細佬V205都到咗香港，V205與V200比較，最大好處就係可以用番GPRS同WAP等功能，以及玩MMS。行勻手機場，首批V205開賣價約$3,180至$3,380左右，以一部三頻攝錄手機嚟講都唔算太高，用緊V200班用家又會唔會諗諗換機呢？