八方有樣嘢諗極都諗唔明：點解香港嘅非典型肺炎患者日日創新高，廣東省反而大大聲話疫情已經受控，新個案一直減少？有人指摘大陸有心隱瞞真相，如果真係有好橋，點解咁耐都唔益吓香港？
近日八方去咗一個討論二十三條立法嘅論壇，法律學者戴大為教授對呢個現象自有一番解釋。佢話內地唔使講假話，只需嚴密控制傳媒，不准報道有關消息，民眾唔知頭唔知路，聽都未聽過「非典型肺炎」五個字，見發燒、咳嗽，淨係以為普通感冒，自己喺屋企瞓吓覺、飲多啲水算數，分分鐘瓜咗都未必入過醫院，咁官方嘅感染個案又點會大幅增加呢？
傳真︰2623-9278
電郵︰