本地著名時裝設計師馬偉明（Walter）位於尖沙嘴金巴利道的時裝店「FrontFirst」，被業主追討欠租三十七萬元。
馬偉明昨日在電話中表示，此事已交律師處理，他說：「呢個年頭經濟咁差，冇辦法啦，其實我重有兩個月按金喺業主度。我欠佢兩個月租，曾經同佢哋傾過，希望可以分兩個月攤還，但對方唔肯，可能佢哋覺得我出名，應該畀到，我冇所謂，告咪告囉。」
馬偉明續說：「𠵱家零售業生意真係好差，生意額跌咗八至九成都有，成條街都冇人行，我隔籬間舖都吉咗兩個月。雖然係咁，我都冇諗過搬，一動不如一靜，搬新舖裝修都要錢啦。」馬偉明表示現在人人北上尋找商機，他亦將大部份資金調往內地，上海及昆明均有開設時裝店。
採訪：林妙萍