響香港吹起嘅一股MPV熱潮方興未艾，當中豐田Alphard更係炙手可熱嘅車款，惟近期非典型肺炎肆虐，腦筋靈活嘅汽車入口商，瞬即找來一套原廠空氣淨化機，就算全車滿載七名乘客，亦不愁受細菌襲擊，加上配備10吋大屏幕AV系統，欣賞電影重好寫意㖭！
記者、攝影：陳偉林 新車售價：$459,000（富利堡汽車：23330747）
呢部頂級版Alphard，裝有一台3.0公升V6偈，除性能出眾外，車廂設備亦見一絲不苟，既有三排七座位真皮配搭，又有電窗、電鏡及雙天窗組合，重有前後恒溫冷氣、獨立照明及兩旁窗簾，大可作流動劇院外，首批準車主重可獲贈原廠空氣淨化器，就算滿載乘客都唔怕細菌感染啦！
呢部新版豐田Alphard，車身前後有齊動感非常嘅大包圍、尾定翼外，重有四輪17吋跑車合金胎軨，又有時款增設方向指揮燈嘅門邊電鏡配搭，好有一份帥氣之餘，中間雙趟門、左邊同尾門重係電索開關㗎！