最近香港「沙士」當道（即SARS、非典型肺炎），不少人乾脆閉關不出。不過要打籃球卻非上街不可；以下就是沙士當道下打波的三宜三忌。
1.宜洗刷：打完波不但要立即沐浴更衣，最好返到屋企連籃球都洗一洗，咁就萬無一失。
2.宜遠射：呢排醫院告急，假如打波重下下飛身上籃，搞到損手爛腳入院，分分鐘冇人得閒理你，所以都係射下三分，避免受傷為上。
3.宜早起：早啲起身，再揀個綠樹成蔭嘅球場打波，吸多啲新鮮空氣，個人精神都好啲。
1.忌吐痰：雖然口罩可以有效防止細菌傳播，但戴住打波則恐有窒息危機。但要小心身邊一些打波時喜歡吐痰的波友，為免殃及池魚，一有發現可立即趕其出場。
2.忌豪氣：不少打波的朋友都嚮往大杯酒、大塊肉的豪氣生活，打波時總是一支水大家飲，更有不少是無「離口」。非常時期下，都係一人一支比較安全。
3.忌赤膊：天氣悶熱，打波嘅往往選擇「無拘無束」，他們在激戰後更會「吳剛師傅上身」，全身發出由汗水形成的油光，令人膽戰心驚；今時今日，都係保守啲着番件衫啦！
以上內容純粹苦中作樂，非常時期大家要保重身子。
文：仙道彬
電郵: