非典型肺炎呢場疫症可謂死傷慘重，有官員唔好彩，更加要食死貓。好似房署因為未能即時公布「中招」屋邨資料，俾居民、議員同傳媒抦到飛起，話佢哋隱瞞疫情。
八方聽聞房屋及規劃地政局常任秘書長梁展文私下同人呻，話其實佢哋真係冇隱瞞，事實係房署都未收到衞生署嘅資料，傳媒同議員已走去問屋邨經理，自然冇得核實。
至於有人抦房署屋邨清潔差，有房署官員話佢哋都想有咁好搞咁好，但平時議員一味話房署人手龐大，減得就減，到今日有事，就喺度嘈，正如楊局長話，錢係樹生出來咩？
傳真︰2623-9278
電郵︰