暢遊山頂：趕走身心悶氣
小朋友愛帶轆行山

行仔媽咪話：仔仔停課，放工第一件事是飛身返屋企，與悶親的仔仔齊齊做枯燥的網上功課！
張先生：假日一早起身，好天就去郊外，天氣麻麻就同一家大細近近哋遊山頂唞唞氣！
廿四孝父母們還深怕仔仔囡囡腳仔乏力，一一帶備手推車、單車、滑板、暴走鞋……各式轆轆一一俱備，讓他們可以輕輕鬆鬆自由一下，呼走身心悶氣。
在太平山頂，看着一個又一個踏着小轆的細路，一個個由後追趕照顧的家長，感覺父母多偉大！

行山呼吸新鮮空氣
太平山海拔554米，是香港最高山峯，整個山盡是青葱景致，而且更是多條郊遊徑的滙合點；人到山上，可以選擇的玩法真不少。

路徑一：
「爐峯自然步道」平路轆得Free（需時約一小時）
這條全長2800米的晨運徑，由夏力道或盧吉道作起點，沿路走一趟，即可在變化多端的樹木間，感受到不同的花香、鳥鳴、瀑布聲帶來的自在；又可玩玩路旁的健身設施輕鬆一下；更可看看遠處的山、海景；加上地勢平坦，又有教育指示牌，最受一家大細和「轆轆黨」歡迎！

路徑二：
「山頂公園」優游上斜（需時約三十分鐘）
這條路路程不長，但難度是要上完一斜又一斜，但最吸引亦是每過斜路、彎路都有新驚喜，讓你分別遇上精緻的園林景色、遊樂場……在綠油油草地上野餐，扮Twins打側手翻，又或大踢西瓜波，自在無比！在你登上山頂時，更可將香港全景的犀利景色盡收眼底。