電影市道雖淡靜，但麥家琪仍頻頻有工開，接拍了不少VCD電影製作，現時在影視店出售的港產片VCD中，不乏麥家琪作品，不少人笑指她為「VCD天后」。
麥家琪前晚在九龍城拍攝外景，對於在市道欠佳下仍工作不斷，她自認十分幸運，她說：「上年我差唔多絕大部份嘅時間，都係留喺內地開工，賺到嘅錢同以前拍電影差唔多，比起其他人都已經算係唔錯。」
近日非典型肺炎問題嚴重，麥家琪頻頻返內地工作，問她會否擔心？她笑說：「我啱啱先至喺內地拍完部電視劇《倩女幽魂》，可能我哋開工同住嘅地方係喺郊區，空氣流通啲，覺得唔係大問題。」
《倩女幽魂》的電影版為張國榮昔日名作，麥家琪亦不諱言張國榮是她最欣賞的藝人之一。採訪、攝影：戴彩煥