SARS的確搞亂晒港人陣腳，噚日又多咗六十一個新症，都唔到你唔擔心。為咗應付病毒，好多機構已實行分組制，將人手一拆二，分開辦公，以保實力。
但唔係間間機構可以咁做，八方噚日收到喺旺角工業署返工嘅一群員工來信，話呢個做法只係自欺欺人，員工雖然分散到不同樓層隔離辦公，但係仍然日日喺同一幢大樓內做嘢，一齊食飯又有，夫妻檔又有，加上啲清潔工、信差出出入入，分隔作用成疑。
最慘嘅係啲只有幾個人做嘢嘅組別，分拆為二之後得番兩三個人，搞到冇人可以告假，佢哋希望唐英年局長同啲高層收回成命，重話寧願並肩作戰，有人中招先算。
傳真︰2623-9278
電郵︰