「始終公家嘅雪櫃係畀其他院友用嚟儲存餸菜，我唔可以將啲糖尿病藥物放晒落去，若果自己有個雪櫃，咪可以將啲胰島素同埋糖尿病藥物放喺雪櫃，唔使驚佢哋變壞。」五十歲的民叔無奈地說。
患有心臟病及糖尿病的他，沒有結婚，早年，與友人在內地從事出入口貿易，惟因生意欠佳而結業。其後轉行任職物業管理，月入僅足餬口。
九八年，他不幸中風入院，致其左手的活動能力大減，不良於行，被迫辭退工作，靠領取綜援金維生，須節衣縮食過活。他出院後，經社工轉介到單身人士宿舍居住。
為了穩定病情，他需要每日注射胰島素兩次及服用十多種藥物，部份藥物必須冷藏在雪櫃內。由於他所居住的院舍只有一部雪櫃供院友存放食物，因此，他只能把部份藥物放在雪櫃內，餘下來的藥物便放在枱面，令藥物容易變壞。
「𠵱家除咗食之外，重要成日搭車去醫院覆診或者買營養食物，每個月都係啱啱夠使，邊度有千幾蚊買部雪櫃，若果有讀者捐部雪櫃畀我，就可以放晒啲藥物入去，唔使咁煩。」他愁眉不展地表示。
生活貧困的民叔，實無力支付千多元購買一部雪櫃，他盼獲讀者慷慨捐贈，解決其生活上的需要。
捐款編號：C0824
暖流熱線
電話：29908688
傳真：23702192
電郵：
網址：