李國章局長一聲令下，全港中小學、幼稚園都一律乖乖停課，八大院校亦停埋。但原來本港重有一間學校照常上課，就係位於馬鞍山嘅李寶椿聯合世界書院。
八方有個老友，佢個女喺李寶椿讀預科，一聽到停課，做阿媽嘅梗係第一時間趕去學校接番個女返屋企住啦，點知校方話學校無受感染，加上學生住喺宿舍好安全，如果家長放心，學生可以繼續留校學習，應付考試。
咁李寶椿又好唔同一般學校嘅，正如佢位行政主任許小姐講，佢哋只收預科生，全校二百五十個學生當中，有一成半嚟自海外六十五個國家，全部寄宿，停課佢哋都唔知去邊好，所以喺徵得絕大部份家長同意下，繼續上堂。
（圖）李寶椿聯合世界書院背山面海，環境好過啲隔離營多多聲。
傳真︰2623-9278
電郵︰