香港大學微生物學系系主任袁國勇，因為獲世界衞生組織肯定搵到非典型肺炎「元兇」之一為冠狀病毒，所以人氣急升，近期頻頻上鏡，連特首亦對佢另眼相看，委任佢下月起接替浸會大學前校長謝志偉，出任食物及環境衞生諮詢委員會主席，政府新聞稿指袁教授係「本地食物安全」、「可傳人的動物傳染病」同「人類傳染病」最知名學者之一。
食物及環境衞生諮詢委員會由老董喺殺局之後成立，過去三年只係花瓶式嘅諮詢組織，雖然今年老董飛起前市政局主席梁定邦，連才女紀文鳳都要起身，又委任多一個獸醫勞敬信入去，不過由袁教授出馬領導，唔知算唔算大才小用呢？
傳真︰2623-9278
電郵︰