梁錦松變咗做弱勢財爺，冇人畀面，真難捱也。收回港交所上市公司審批權一早定咗，有冇報告都唔重要，點知一單偷步買車事件，令親北京人士有機可乘，殺阿松一個措手不及。
八方聽聞，喺最關鍵時刻，親中大佬之一嘅黃宜弘竟然有一句：「喺呢件事上唔當阿松係中國人」嘅說法，真得人驚。怪不得有人形容呢鋪係「華洋大戰」嘅續篇，以李業廣為首，加上羅嘉瑞、朱幼麟、胡經昌同劉漢銓，實行當你洋鬼子咁打，問你死咪。
睇番轉頭，以前幫證監會嘅𠵱家變咗幫交易所，而幫交易所嘅又企咗係政府嗰邊，真似《無間道》。
傳真︰2623-9278
電郵︰