財爺梁錦松一句「有咁耐風流，有咁耐折墮」講到街知巷聞，成為阿松嘅經典金句，原來喺公務員圈子內，阿松重有一句金句都非常之流行，就係「人民公敵」。
話說今年初政府同公務員就減人工方面爭持不下，公務員團體紛紛反對政府一刀切減公務員人工百分之六，唔依現行架構同規則去商討，當時班公務員團體派代表到立法會反映意見，希望游說啲尊貴議員支持佢哋。
在場嘅阿松喺會議結束後，竟然專登行埋去公務員團體代表身邊，語氣好重咁同佢哋講：「你哋唔好做人民公敵！」搞到班代表好㷫。點知最近因為偷步買車風波搞到周身蟻嘅阿松做咗真正嘅「人民公敵」，有口痕友話，呢啲都算係現眼報咯！
傳真︰2623-9278
電郵︰