新紮鐵人親身體驗

新紮鐵人親身體驗

梁正彥:學識控制情緒
「玩咗幾年三項鐵人,令我學識好多嘢同成熟咗,亦令自己知道無論訓練或者比賽都要好集中精神認真去做,遇到任何困難或者問題,都要諗辦法去克服,唔會咁輕易放棄。記得上年參加亞洲錦標賽時,操到好Fit,好有信心攞到成績,點知臨場表現得唔好;攞唔到預期嘅成績,個人已經好㷫,完成比賽時控制唔到鬧在場工作人員,結果俾賽會取消資格。經過呢件事令我學識,比賽過程要好好控制自己嘅情緒。」

馮惠敏:知道自己好幸福
「參與多年經歷咗好多,亦令我識得要找身邊嘅人去幫忙解決問題,經常到唔同地方比賽同集訓,有機會見識到唔同地方嘅生活,有些地方環境好差,令我知道自己其實幾幸福。記得幾年前去台灣參賽,因剛打完風,比賽途中有一個參賽者遇難,一個失蹤;呢次經驗令我驚咗游水,而返到香港需要接受心理輔導,經過半年心理輔導,終於成功克服呢個心理問題,現在好享受在海中練習或者比賽。」

梁正彥