亞視昨在尖沙嘴設宴慰勞一班劇集《萬家燈火》演員，移居大馬多時的馮寶寶亦有出席，她說：「唔知係唔係天父安排，今日大馬話唔畀香港人入境，可能連我本身住喺大馬，嚟過香港一段時間都唔畀我返過去，咁我惟有繼續拍《萬家燈火》。」
原來張國榮跳樓身亡當日，馮寶寶亦身在中環，當時她曾打電話到文華酒店訂位飲茶，對方告知她張國榮剛剛在文華跳樓。馮寶寶說：「直至今日我都唔想呢個係事實，有一晚我失眠諗起佢，所以我打算寫一篇有關張國榮嘅文章。」
有傳馮寶寶亦曾患上抑鬱症，她說：「我直情係啦！我儍嘅，亞視𠵱家係青山，裏面有張床位，個病人背後寫住『家有惡犬、生人勿近』，所以同我一齊做嘢好大壓力。」對於譚詠麟指藝人壓力很大，寶寶表示並不同意，更衝口而出說：「喂！阿倫以前都好似『隊』過張國榮，我都係唔講啦！」
此外，現任馬來西亞高級拿督的陳儀馨，昨日在大馬接受港台節目電話訪問時，透露因非典型肺炎肆虐，臨時取消近日來港開會的行程。陳儀馨說：「因為呢度、全世界嘅新聞都話盡量唔好嚟廣東，所以暫時唔過嚟先。」
陳儀馨在吉隆坡擁有一個幸福島，因近日非典型肺炎流行，島上生意亦大受影響，她說：「唔只係我個島有問題，酒店生意都跌咗三成。」
採訪：楊潔雯
攝影：仇志德
