呢輪全世界都談炎色變，所以當立法會主席范徐麗泰喺議事堂宣布，民主黨成員涂謹申病咗，改由何俊仁同佢提修訂，大家就即刻諗，莫非佢……
於是難得在家靜養嘅阿涂喺睡夢中不停被call機震醒，大家都係問嗰句，你係唔係「感」親？你有冇事？阿涂真係受寵若驚，佢話自己都唔知乜嘢原因病咗，噚日朝起身有啲頭暈暈同有幾聲咳，知道感冒開始起，一聽到呢度，係人都會叫佢喺屋企唞唞，咁工作狂嘅涂謹申先肯告假一天。
正如阿涂話齋，感冒都會傳畀人，咳幾聲會俾人歧視，倒不如留喺屋企瞓餐好嘅，講真佢好耐冇咁瞓過。所謂小病是福，希望阿涂早日痊愈啦。
臨收線，阿涂點都要講多一句，話「阿松辭職應該公之於世，閂埋門同老董講點係問責制吖？」啱嘅，好番再講。
（圖）阿涂前日重好哋哋，噚日就因為感冒被迫在家休息。
傳真︰2623-9278
電郵︰