SARS搞到人心惶惶，政府點挽救民心都冇用。作為保皇黨之首，又係行會成員，曾鈺成當然要諗諗計啦，佢噚日同跑立法會班行家約定，組織一隊「肺炎敢死隊」，一於要打救𠵱家靜如死水嘅市道，約定星期五喺立法會出發，行去中環「是但」一間食肆食午飯，唔預先book位，總之邊間有位就去邊度食，佢嘅理論係：「如果冇位，即係有生意，都唔需要『敢死隊』。」
曾主席重特別聲明當日唔戴口罩，就係要證明只要唔係去人多擠迫嘅地方，根本唔會有事，希望令大家有番行街睇戲嘅信心。
八方嘅行家叫曾主席食完飯去埋shopping，一於「敢死」到盡，但係大家忽略咗另一個問題，即使自己「敢死」，個荷包都唔「敢死」。
傳真︰2623-9278
電郵︰