鄭少秋和葉童昨日為無綫新劇《非常外父》試造型，劇中秋官豔福無邊，會娶兩個老婆。而秋官更揶揄葉童初出道時拍過電影《烈火青春》，但她現已青春不再。葉童亦不甘示弱指秋官常口花花撩女仔。
鄭少秋、葉童、滕麗名和葉璇等昨日在將軍澳電視廣播城為新劇《非常外父》試造型，穿上六十年代的服飾，該劇內容圍繞一夫多妻制產生的笑話。
鄭少秋自言在劇中有兩個老婆，分別是葉童和滕麗名，鄭少秋說：「我諗每個男人都有諗過一夫多妻，如果我早十幾二十年出世就唔同晒啦！」問鄭少秋與首次合作的葉童可有親熱戲時，鄭少秋即揶揄葉童說：「佢第一部戲係《烈火青春》，𠵱家佢都唔青春，所以咪冇烈火，不過如果導演肯加啲烈火戲，我都想㗎。」
葉童被鄭少秋提起陳年舊事，即說：「如果劇情需要我都會拍，不過我驚秋官流鼻血，今次係第一次同秋官合作，之前喺電視城都見佢成日口花花撩人，佢可以令到每一個女人都覺得自己好重要。」
此外，葉璇昨日表示早前在北角撞車，葉璇說：「好彩個人冇事，但就撞到架車塊底板都甩咗，𠵱家問價整番都要五位數字。」
採訪：卓美娟
攝影：仇志德
