非典型肺炎菌在香港肆虐，搞到人人都唔敢出街，連去美容院做Facial都話怕有細菌傳染。不過，唔出街都一樣可以安坐家中，跟情人互做Facial順道增進感情。懂得運用天然材料，唔使好多錢都可以改善皮膚質素。坊間就有不少良方，不過效果如何，就要請經常用盡古靈精怪護膚秘方的陳淑蘭話你知。
記者：羅惠芬
攝影：陳偉強
ImageGirl&Boy：Gloria&Nicky
綠茶含有豐富維他命C及E，有抗氧化功效；當中所含的葉綠素和單寧酸，更可以改善黑色素沉澱、淡化雀斑，令皮膚回復白皙。此外，綠茶具殺菌作用，能增強皮脂膜，收縮毛孔，改善粉刺化膿等暗瘡性問題。
材料：綠茶茶包一個、面膜粒子
製法：先用綠茶茶包浸泡出綠茶，再將面膜粒子放入茶內，待綠茶滲透面膜後，敷在面上15分鐘，然後再塗上面霜便可。謹記綠茶不要泡得過濃，否則會對皮膚造成刺激。
價錢：約$7
陳淑蘭評語：「綠茶有散熱作用，有暗瘡問題就最適用，有機會我都會試試。」
一般人都知道，煮食用的粗鹽是可以當成磨砂用品，不過直接用在皮膚上，好容易會出現敏感情況。最好用水將食鹽開稀使用，洗面後要立即塗上爽膚水及面霜。
材料：食用粗鹽（皮膚敏感的人應採用較少份量的海鹽）、適量溫水
製法：先用臉盆加入溫水，放入1湯匙海鹽，浸約3分鐘後，利用鹽水洗面及輕力打圈按摩，可以去除污垢、死皮和油脂。最後用冷水清洗一次，有收縮毛孔的作用。
價錢：約$2
陳淑蘭評語：「男仔比女仔皮膚粗，用粗鹽會啱啲，但洗完面一定要搽Cream。」
豆腐含豐富的蛋白質、碳水化合物、維他命E等，能刺激細胞生長、延緩皮膚衰老、改善暗啞和令皮膚清爽，最適合敏感皮膚。
材料：軟身豆腐和麵粉適量，比例約2：1
製法：先用抹手紙吸去豆腐水份，壓碎豆腐，再加入適量麵粉攪至漿狀。敷面前，可以先在面上鋪一層紗布，或直接塗在面上，約15分鐘後用溫水洗去。
價錢：$5
陳淑蘭評語：「豆腐和麵粉本身有吸油作用，這個面膜應該會啱油性皮膚。」
士多啤梨能為皮膚補充足夠的水份，配合含豐富乳脂肪、維他命的牛奶使用，可清潔皮膚、防止幼紋出現，據說是瑞士的古法護膚之一。
材料：士多啤梨3個（約50克）、牛奶1杯、咖啡過濾紙1張
製法：把士多啤梨搗碎，再倒到咖啡過濾紙上，榨出汁液後，加入牛奶拌勻。最後，將士多啤梨奶液塗於面部及頸部，配合適當的按摩，約20分鐘後清洗即可。
價錢：$13
陳淑蘭評語：「用牛奶護膚就經常聽，可以有美白滋潤作用。士多啤梨反而會用來食多啲。」