過去一個月，美伊戰爭同非典型肺炎事件佔去報章唔少版面，其實市民除咗買報紙之外，好多都會上網了解最新情形，令瀏覽新聞網站人數錄得顯著升幅。
八方噚日睇互聯網研究及分析公司Nielsen//NetRatings嘅最新資料，顯示百分之五十點三嘅互聯網用家喺三月份上過新聞或時事網站，相較兩個月前嘅四成半增加一成幾，最受歡迎嘅新聞網站就由雅虎新聞取代蘋果（八方各位同事真係要更努力），佢哋嘅瀏覽人數增加百分之二十四；而差不多所有新聞網站嘅「觀眾」喺過去一個月均有上升。另外，平均每位瀏覽者都會停留一小時，略高於二月份嘅四十九分鐘。總之，有大新聞，傳媒就會受歡迎。
傳真︰2623-9278
電郵︰