馬浚偉與郭羨妮不和日趨白熱化，馬仔近日在一雜誌中承認與郭羨妮曾拍拖三個月，但遭女方否認。究竟馬仔是否曾與郭羨妮拍拖？日前馬仔在電話中說：「嗰個訪問係我心底話，我有權承認發生過喺我身上嘅嘢，但呢件事唔係愉快，不過所有嘅事情已經過去，我承認嘅原因係唔想再俾人追問我同郭小姐之間發生乜嘢事，我要講嘅已經講咗，人哋認唔認對我唔重要，我強調今次係最後一次回應所有有關郭小姐嘅嘢，以後唔會再提。」
情侶分手之後再重提舊事，馬仔不怕被說不大方嗎？他說：「呢啲同唔大方無關，我只係正式講一次。」問他如果無綫找他與郭羨妮合作，他可會接受？馬仔說：「如果經理人同無綫都覺得適合，我唔會考慮對手係邊個。」
採訪：陳梅香