HKSARS正喚起新嘅香港精神。
八方唔係吹牛。繼鄭經翰發起一人一口罩運動，李嘉誠捐出一百萬個橙畀醫護人員食之後，呢幾日不斷有大機構加入向前線醫護人員致敬行列。
大型時裝連鎖店Esprit噚日出車送咗一萬件愛心T恤畀予公立醫院嘅前線人員，包括醫生及護士，希望勉勵港人要以積極態度面對困境，發揮互相扶持嘅精神。其實，邢老闆早前已向聯合醫院及淘大花園居民捐出三千幾件T恤。
滙豐捐出二十五萬元畀紅十字會買衞生包畀啲老人家，渣打就捐贈五萬件即棄隔離衣畀聯合醫院。
所謂同舟共濟，香港重有得揮嘅。咁啱噚晚喺仁濟醫院新董事局就職晚宴見到滙豐大班柯清輝，聽講佢仍然好活躍，但係重唔肯時時戴口罩。
（圖）柯清輝（左）雖忙，仍抽空與太太（右）出席仁濟醫院就職晚宴，同新任主席嚴玉麟伉儷（中）合照。
韋志滿攝
傳真︰2623-9278
電郵︰