混血女模LisaS.日前為護膚品牌MarioBadescu拍攝廣告照，酬勞逾十萬外，更獲該品牌終身贊助護膚品。LisaS.表示青春期時備受暗瘡問題煩擾，此後十分着緊皮膚護理，每天喝八杯礦泉水、充足睡眠，更做適量運動。
混血女模LisaS.日前在柴灣一間影樓，為護膚品牌MarioBadescu拍攝廣告照片，有關方面表示選中LisaS.拍攝這一輯照片，因她與該品牌同樣來自紐約。
廣告照的概念配合品牌的自然清新特點，LisaS.除獲逾十萬元酬勞外，更獲這品牌終身贊助護膚品。LisaS.表示自己的皮膚屬於敏感性，所以必須使用含天然成份的護膚品及化妝品，她說：「我喺十七歲之前嘅皮膚都好好，但係由十七至二十一歲時，面上突然狂出暗瘡，嗰時真係好sad，又冇男仔追，好在𠵱家皮膚問題改善番。」
LisaS.加入模特兒界以來，都是在大都市如紐約和香港工作，她說：「每個大都市都有空氣污染問題，香港天氣尤其潮濕，喺呢度做嘢令我嘅皮膚變得差咗，所以一定要好小心護理。」
問LisaS.有甚麼護膚秘訣，她說：「我會飲好多好多水，每日起碼八大杯礦泉水，落妝時要好徹底，又要有充足睡眠。呢排非典型肺炎問題咁嚴重，就更加要小心身體，每日都會飲大量橙汁同食蔬菜。另外就係要識得鬆弛，我會做適量運動，周不時會約朋友打吓網球，同埋我好鍾意接觸大自然同動物，有時間就會去元朗騎馬。」
伊人獲護膚品牌MarioBadescu終身贊助，問她會否借花敬佛，送些產品給緋聞男友吳彥祖？她說：「我嘅就係我嘅，況且大家皮膚性質唔同，佢未必啱用。」
採訪、攝影：JessicaNgan
