華潤百貨旺角分店,因租約期滿將於月底結業,現正進入倒數階段,表示這個旺角的重要的地標之一將會消失。為回饋街坊二十年的支持,旺角分店進行全面清貨大減價,貨品由二折起發售,最吸引是中成藥、家電等公價貨品俱有折頭,吸引力大增。
記者:邵超 攝影:陳陶鈞
今次華潤清貨都幾大手筆,其實海味乾貨及雜貨唔似影音產品咁阻地方,可以放去其他分店售賣,𠵱家以八折起優惠價益街坊,撞正「非典型肺炎」,大家都要補一補,平貨固然平上加平,乘機掃吓貴貨重有着數。
講起養顏佳品,非燕窩莫屬,平時怕貴食少啲,現今連貴價品特級血燕都有八五折優惠,可以放盡少少豪番次。
優惠價$1,258/両
原價$1,480/両
赤靈芝所含精華具有美容功效及增補營養,平平哋買返屋企進補。
優惠價$24/両
原價$30/両
長白山名產猴頭菇含有多種人體所需的營養物質,健胃補身,常吃更有美容效用。
優惠價$48/600克
原價$60/600克
半價家品電器
康寧的產品是質素保證,相信從未有百貨公司以平過半價價錢賣這款幻彩煲,入廚緊要買番一套。
優惠價$379
原價$800
床上用品三折起
一套54吋×75吋半的床單、床笠連兩個枕頭套的床上用品三折就買到,平成幾百蚊,是清貨大優惠中最多人買的貨品之一,單買床笠最低價98蚊,而且牌子選擇多,近排需要勤洗衣物被單,買嚟備用都唔錯。
優惠價$328
原價$1,100
運動用品二折起
今次減價的泳衣質素都唔錯,即使月尾結業都重有新貨返,一般泳衣牌子如Speedo、Renee都賣接近半價,這件鮮黃色彩配上adidas三間,屬近年許多女士愛上的運動型兩件頭泳衣,充滿夏日氣息。
優惠價$125
原價$250
歐陸皮鞋七折再九折
這款真皮運動鞋是運動名牌Rockport受歡迎的設計之一,較為適合年輕人,現在減得咁多,唔買番對真係對唔住自己。
優惠價$377.3
原價$599
結業清貨期:即日至4月30日
地址:旺角亞皆老街65號旺角中心一座
電話:23953191
營業時間:10:00am-10:30pm