楊羚、黎燕珊及麥包昨日獲邀出席「荷花親子中心沙田店」的開幕禮，黎燕珊提及與張國榮合作過，她說：「二十一年前同哥哥拍過《楊過與小龍女》，佢重讚我靚女，嗰時佢重同翁靜晶打得火熱。」話畢，黎燕珊即補鑊說：「就嚟啫……」
而張國榮主演的《霸王別姬》將會再度發行VCD、DVD，影片的投資者湯臣公司老闆徐楓，昨日接受電話訪問說：「有好多fans都打電話嚟問點解冇《霸王別姬》VCD，其實個發行權喺二千年滿咗，為咗唔想fans獨欠呢部電影，會再出VCD，賣到嘅錢會捐畀美國專門醫治抑鬱症病人嘅中心MassachusetsMentalHealthInstitute。」
此外，毛舜筠在前日送別好友張國榮最後一程後，昨日如常到商台主持節目。問到毛毛心情怎樣？她說：「心情好啲，我冇嘢講，一講心情就會唔好，總之忘記過去，努力面前。」有傳唐鶴德將會移居美國，問毛毛是否真有其事，毛毛即擰頭謂：「唔好講呢啲。」
採訪、攝影：陳梅香
