美股周二晚先跌後穩，窄幅上落，杜指微跌1點，收8298。杜指走勢仍屬升後整固，暫無轉壞迹象。杜指短期升軌升至8200水平，亦是10日線所在，能否守穩對後市走勢有重大啟示。
杜指未有明顯轉壞，但港股受肺炎在社區持續擴散影響，穆迪昨日調低九倉（004）、希慎（014）及置地評級，地產股沽壓沉重，拖累恒指再跌169點，收8636。
港股昨日成交增至83.7億元，基金減磅迹象明顯，如果肺炎擴散未見有效控制，唔排除基金減磅行動陸續有來。不過，市場亦有相反睇法，德盛安聯表示肺炎影響估計短暫，考慮提高港股比重。
梁錦松昨日亦承認今年經濟增長無法達到預期的3%，加上肺炎等利淡因素，港股前景的確暗淡。恒指去年12月至今，形態上明顯是一條平行下降通道，現時底部支持約在8400水平，計及9RSI出現底背馳的技術因素，恒指在8400應有一次較似樣反彈，或者會配合美伊戰事結束或肺炎受到控制的利好消息。
趙飛雲前日稍一猶豫，冇補回恒指Put輪，雖未確定是否送車尾，但已失先機，惟有暫時忍忍手，等時機再出擊。恒指短期阻力10日線8755，如果後抽唔破，將下試8400，唔嫌水位淺，亦可短炒一轉恒指Put輪9587或9619，在跌近8400附近獲利，兼伺機反手炒一轉超短線恒指Call輪。
趙飛雲