名模琦琦昨日下午從上海返港，趕不及到靈堂送別張國榮（哥哥），她唯一主演的電影，便是與張國榮合作的《流星語》。
琦琦回憶起與對方合作時的片段說：「我當時好冇信心，覺得自己太高，又冇拍電影經驗，覺得自己襯唔起哥哥，但係哥哥好好，佢畀咗好大信心我，佢同我講：『我覺得你好啱呢個角色。』我初初去到片場，一切都好陌生，地下啲mark位又唔識睇，哥哥好細心咁拖住我隻手，拉埋我一邊，提點我，帶我入戲。」
回憶起對上一次見張國榮，琦琦說：「農曆新年前，我同老公喺Joyce撞到哥哥同唐唐，當時哥哥揀咗件紅色嘅皮褸，重問我靚唔靚，佢重同我講新年一定要開開心心，所以要買件紅色嘅衫，一啲都唔覺得佢唔開心嘅。」琦琦續說：「哥哥係呢個世界上冇人可以取代嘅全方位明星，我好唔捨得佢。」