新款勞斯萊斯Phantom雖未在港正式推出，但廠方已為其推出有更多Option配備，以迎合不同用家需要。
現時，選購Phantom嘅用家，可選擇多款不同模式嘅後排座椅配搭，其中以兩張獨立座椅設計嘅一款，會與前座一樣備有電控獨立調校，以迎合不同乘客嘅坐姿；而中間更設有手枕作分隔，就連手枕內嘅設備亦可由用家自行選配㖭！另外，用家更可為Phantom增設DVD播放系統，後排乘客可透過設於前排乘客後方嘅6.5吋電視屏幕觀看DVD電影，後排中央手枕更備有耳筒插頭，而6碟式DVD機亦被置於座椅下，換碟時倍覺方便。然而，設於中央嘅控制器亦方便你控制觀看電視或電影，又或者係調校音量㗎！有興趣選購新款Phantom嘅用家，不妨考慮吓吖！