張國榮呢隻冇腳嘅雀仔終於喺萬千歌迷同至愛親朋目送下，得到安息。
「哥哥」之死事出突然，大家只有感到可惜。立法會議員黃宏發同張國榮唔係好熟，但係同佢家姐張綠萍就係老朋友，所以噚日去咗靈堂致祭，發叔話哥哥有一張babyface，咁後生就離開好可惜。除咗發叔，立法會議員張宇人同劉千石都有親自前嚟送張國榮最後一程。
哥哥嘅歌同羅文一樣受歡迎，但八方噚日就見唔到有高官往致祭，原來何志平夫婦因為同羅文有私交，所以有出席喪禮，但係佢同張國榮就唔熟，所以冇去。
（圖）立法會議員張宇人都有去靈堂向「哥哥」致祭。
傳真︰2623-9278
電郵︰