蔡楓華早年以一句「剎那光輝唔代表永恒」揶揄張國榮,令二人結怨。上周張國榮跳樓輕生,昨日舉殯,一身黑衣打扮的蔡楓華亦到張國榮喪禮致祭,但他卻在喪禮結束後才出現,還大談與張國榮的一段友情,惹來近百記者將他團團圍住,場面混亂,最後要由警方為蔡楓華截的士讓他離場。
蔡楓華當年曾在無綫《勁歌金曲》節目上揶揄張國榮(Leslie),指他「剎那光輝唔代表永恒」,二人因而結怨,而蔡楓華的事業亦因而跌至谷底。張國榮上周二跳樓自殺身亡,昨日在北角香港殯儀館舉殯,孤身一人的蔡楓華亦到場表示要悼念故友,但他卻姍姍來遲,在大殮儀式結束後才到達。
昨日張國榮的大殮儀式開始後,蔡楓華先乘的士經過,坐在的士內的蔡楓華被問到是否來悼念張國榮時,他神情哀傷地點頭,但的士隨即又開走。未幾張國榮喪禮結束,賓客陸續登上旅遊巴士往火葬場,此時蔡楓華乘坐的士折返,然後他步入殯儀館大堂,其間沒有工作人員接待他,張國榮的親友亦對他視而不見,蔡楓華便獨自站在排隊上巴士的行列中,還向身旁的林珊珊搭訕,林珊珊也禮貌地回應,而林珊珊的男友見狀即火速上前為女友解圍。
久違了的蔡楓華一身黑衣打扮,染成金色的頭髮布滿頭皮,雖然未獲接待,但他卻向在場記者大談與「好友」張國榮的交情,言談間時而思路清晰,時而胡言亂語,其間有圍觀的張國榮歌迷大叫:「收皮,問吓佢有乜嘢感受,死剩佢一個。」因蔡楓華吸引近百記者包圍拍照採訪,大堆人跟着他湧到馬路上,情況危險,要維持秩序的警員截的士將他送走,場面始受控制。
蔡楓華其後趕往歌連臣角火葬場,但偏偏又再次遲到,到達時張國榮的火葬儀式已結束。被問到對當年揶揄張國榮一事可感內疚?蔡楓華說:「唔會,佢嘅死我好痛心,我喺內地做巡迴演唱會時知道佢死訊,已經即刻趕落嚟,但趕唔到。根本我同Leslie私下冇事,嗰句說話你哋唔好成日掛喺耳邊,過去已成過去。」
問蔡楓華當年是否不服氣張國榮的成績較他優勝?蔡楓華說:「唔想答,唔需要再回應呢啲問題,只會話畀自己知要努力奮鬥做人。」面對戰友鍾保羅、陳百強和張國榮先後去世,蔡楓華說:「咁咪努力去做好自己嘅事,無論惡勢力或任何人,都冇人可以阻止蔡楓華喺圈中生存同做演唱會。」但問到他所指的惡勢力是甚麼時,蔡楓華說:「我唔想講,今日暫時係咁多。」
被問到對張國榮自殺有何感覺時,蔡楓華說:「作為一個天皇巨星,咁樣了結自己生命,我覺得真係好可惜。我同Leslie識於微時,大家係好朋友。我覺得人應該積極面對困難同情緒上嘅嘢,有困難或困擾要搵多啲朋友開解,要堅強啲去面對。我再鄭重聲明一句,我蔡楓華同張國榮完全冇任何芥蒂,完全唔係敵人,係好朋友,佢唱歌同拍戲都好,係真正天皇巨星。」
蔡楓華又表示事前並沒有通知張國榮的家人會到場致祭,他說:「我對上一次見佢係好多年前一個頒獎禮,我嚟係出自真心。」
有記者問蔡楓華可會為張國榮誦經和吃齋時,他說:「我唔係信佛,唔好意思,我會祝福佢去另一個地方,我對佢嘅死好愕然同痛心,我有為佢流淚。」訪問期間蔡楓華一度站在馬路中央,需要董瑋提醒才回到路邊。
其後蔡楓華在火葬場登上旅遊巴士,但在鰂魚涌下了車,然後又在殯儀館附近徘徊了一會兒,沿途有張國榮的歌迷大罵蔡楓華,蔡楓華又企圖坐的士離開擺脫記者,並說:「唔使理佢(指罵他的張國榮歌迷),佢有問題。」然後蔡楓華又轉坐另一輛的士朝九龍方向離開,的士司機更為蔡楓華切雙白線和衝燈,險象環生,最後他到了尖沙嘴洲際酒店午膳。
採訪:馮美茵、卓寶花
攝影:林德雄、仇志德