好彩香港有佢哋:<br>「一定有機會反敗為勝!」

好彩香港有佢哋:
「一定有機會反敗為勝!」

要戰勝病毒,舞刀弄槍不管用,靠的是信心與毅力。她揮着劍,也沒有要對付的敵人,只求揮出精采人生,一樣,靠的是信心與毅力。走過低潮,到今天享受成果,她要讓我們知道,只要有信心、有希望,總有一天會反敗為勝!今天,我們正需要這樣的信念。

奪取亞運獎牌是劍擊手何嘉麗的夢想,去年終於夢想成真。不過,這個獎牌足足等了四年才到手,她從中領悟出道理:「在比賽中落後唔緊要,只要比賽未完,一定有機會反敗為勝!」
「97年贏了亞洲錦標賽亞軍,當時信心爆晒棚,對98年曼谷亞運有好大期望,教練、傳媒、朋友,人人都覺得我一定掂,攞獎成為壓力,愈想贏表現反而愈差,結果輸了。那段時間好痛苦,足足沮喪了幾個月。
「輸咗好唔甘心,唔係輸球技,只係唔識應付壓力。於是再努力四年,尋求教練、運動心理學家等不同幫助。喺上年漢城亞運會終於夢想成真,證明沒有白費四年,好爭氣!

落後咗再追番
「今次失敗,但我仍然期望下一次會贏。首先最緊要有希望,跌咗落嚟就一世爬唔番起身嗎?絕對唔係,只要有信心、有希望就一定做到。
「在劍擊比賽中,落後咗唔緊要,只要比賽完結鐘聲未響起,重可以向對手拮落去,仍有時間去追,就一定有機會反敗為勝。唔好執着落後咗幾多分,就當零比零去打,咁就冇任何壓力。
「香港𠵱家好似落後咗,但仍有時間有機會去追,呢個賽事又冇時間限制嘅,所以一定可以追上去,唔好同任何人比較,向住目標前進,就有機會翻身。」

記者:李敬賢
攝影:周旭文