張學友用「親切」來形容張國榮：「我同哥哥識咗咁耐，佢一直畀我好親切嘅感覺。」幕前的張國榮予人不羈的印象，幕後卻是不會賣弄半點身份的「哥哥」。
「記得喺八十年代，我啱啱出道嘅時候，樂壇全部都粒粒巨星，有哥哥、譚詠麟、SamHui、徐小鳳同羅文等等，我直情見到嘩嘩聲呀，哥哥佢份人一向唔分階級，對人好親切，教我好多嘢。」他說張國榮是芸芸眾星中最友善、最樂於扶持後輩的人。
張學友愈說愈沉痛：「佢嘅離去，我諗番起佢同我，同埋我太太講過一句話，佢話：『你唔係我，你點知我諗乜？』我𠵱家諗番，可能我哋真係唔知佢諗乜。大家有冇諗過天上如果冇咗星星，呢個世界會係點？我諗會好黯淡、好寂寞。」
原來張國榮生前對他說過想合作做音樂劇：「我連故事大綱都諗好，但哥哥你已經唔喺度……我希望，我哋可以喺另一個世界再度合作。」