港台節目主持人錢佩卿早前懷疑染上非典型肺炎，前晚正式復工返港台主持直播節目《猜．情．尋》。
錢佩卿前晚在港台表示只是患上典型肺炎，並不是非典型肺炎，她說：「一定唔係非典型，醫生話我冇非典型肺炎嘅病徵，我喺屋企休息咗兩個禮拜，肥咗三、四磅，最難得係有時間見番好多好耐冇見嘅朋友，大家約出嚟食飯。」
自傳出錢佩卿懷疑感染非典型肺炎後，港台上下大為緊張，錢佩卿說：「都好難怪嘅，呢個係一個敏感時候，大家冷靜之後都明白，而且港台節目都有講我唔係有非典型肺炎。」問錢佩卿虛驚一場，會否加重預防非典型肺炎？她說：「我會戴口罩、注意家居清潔，同埋經常洗手。」
採訪、攝影：楊潔雯