郭晉安早前憑《戇夫成龍》一劇而人氣急升，他在劇中飾演「阿旺」賣老婆餅，稱呼宣萱做老婆仔的劇情，至今仍令人留下深刻印象，而他在兩年前與關詠荷合演的劇集《燒餅皇后》，已被亞視購得版權，並安排在下周一晚播出，但亞視近日播映《燒》劇之宣傳片，片中旁白指最錫老婆仔的安仔已被亞視重金禮聘整餅，明顯有意借《戇》劇做宣傳。
昨日記者致電安仔時，他在電話中說：「呢套係我兩年前拍嘅舊作，可能佢哋見我人氣急升，就買番啲舊產品嚟播，我冇睇過段宣傳片，但我覺得咁樣宣傳幾老土，我喺戲中做嘅都唔係嗰回事，況且套戲嘅主角係關詠荷，我只係客串形式演出。」安仔更表示他不會理會該劇之收視，而他在劇中有人代他配音，與無綫合約並無牴觸。
採訪：朱芷瑩