一講二十三條，保皇派同民主派爆火就少不免。噚日立法會草案委員會四個鐘頭會議又爆到七彩，難得有啲時間，吳亮星就搵番陳年舊事嚟笑李卓人。
話說噚日講顛覆，議員當然攞番六四民運嚟講，猛問葉劉當年嘅事，算唔算犯法。吳亮星突然將話題扯到一個銀彈的故事，佢話香港最多銀彈，如果有人帶啲錢上大陸，啲錢多到沖落廁所塞咗國務院條渠，之後爆咗好似淘大事件咁，算唔算犯法？葉劉好認真咁話，唔相信有人會用銀紙破壞重要服務，可能性相當低。李柱銘亦話，如果有人將啲錢沖落廁所，嗰個人精神可能有問題，想告得入都難！
雖然吳亮星都講明，如有雷同實屬巧合，但點解同八九年，支聯會李卓人代表香港人攞錢上北京，支援學生但係俾人拉咗嘅故事咁似嘅？
傳真︰2623-9278
電郵︰