阿松因為小伏同個女搞到智慧盡失，日日被啲議員羞辱，聽講佢夫婦已經為女兒取名為「司渝」，但冇人肯證實。
小渝喺老竇阿松最好同埋最壞嘅時候來臨，八方見到阿松噚日愈講愈胡塗，愈講愈多破破綻，真係問題多籮籮。一位政界老前輩話，班議員連你封辭職信邊個打，幾時打都要問，就知幾難捱落去。佢重話人哋就猛咁「避炎」，你貴為財政司就毫不避嫌，你叫人點心服口服？唔係有心就重慘，冇心即係「無能」啦。再講，所謂公私分明，只可以因公忘私，卻萬萬不可因私忘公，唔記得自己有公職在身，就連做一個普通公僕都唔合格，何況坐特區第三把交椅個位？
八方都聽過，政府對出任公職人士嘅操守和利益申報一向要求甚嚴，特首同阿松不嚴以律己，怎可律人呢？
傳真︰2623-9278
電郵︰